MH 13 NEWS NETWORK
अक्कलकोट येथील स्वामी समर्थ अन्नछत्र भव्य महाप्रसादगृह इमारतीचा भूमिपूजन समारंभ पार पडला. गुरुपौर्णिमेच्या शुभमुहूर्तावर स्वामी समर्थांच्या मूर्तीचे पूजन करत नैवेद्य अर्पण केला. या भूमीपूजन समारंभास राज्याचे उपमुख्यमंत्री मा. देवेंद्रजी फडणवीस यांनी व्हिडिओ संदेशाद्वारे शुभेच्छा दिल्या. या पाच मजली भव्य इमारतीचे बांधकाम लवकरच सुरू होईल. सर्व स्वामी भक्तांना लवकरच या नवीन वास्तूत महाप्रसादाचा लाभ घेता येणार आहे.
भूमिपूजन समारंभाला राज्य अधिस्वीकृती समितीचे अध्यक्ष श्री. यदु (भाऊ) जोशी, माजी आमदार श्री. सिद्धाराम म्हेत्रे, कायदेविषयक सल्लागार अॅड. नितीनजी हबीब, स्वामी समर्थ अन्नछत्र मंडळाचे संस्थापक अध्यक्ष जन्मेजराजे भोसले, विश्वस्त अमोल राजे भोसले, शिवाजी सावंत,अमोल बापू शिंदे, दिलीप भाऊ सिध्दे, अविनाश मडीखांबे आणि ग्रामस्थ देखील या समारंभात सहभागी झाले.
