MH 13 News Network
संपूर्ण जिल्ह्याचे लक्ष लागून राहिलेल्या शहर उत्तर विधानसभा मतदारसंघाचे भाजपचे उमेदवार विजयकुमार देशमुख सोमवारी (दि. २८) दुपारी १ वाजता उमेदवारी अर्ज दाखल करणार आहेत.
भाजपचा बालेकिल्ला मानला जाणारा ‘ उत्तर मधील राजवाडे चौकातील त्यांच्या संपर्क कार्यालयात पदाधिकाऱ्यांना आणि कार्यकर्त्यांना येण्याचे आवाहन देशमुख यांनी केले आहे.
उद्या सोमवारी बहुतांशी पक्षातील उमेदवार आपला उमेदवारी अर्ज भरणार आहेत.अर्ज दाखल करण्यासाठी आमदार विजयकुमार देशमुख यांचे राजवाडे चौक, नवी पेठ येथील संपर्क कार्यालयात भारतीय जनता पार्टी व महायुतीच्या सर्व पदाधिकारी कार्यकर्त्यांनी मोठ्या संख्येने उपस्थित राहावे असे आवाहन भाजपाकडून करण्यात आले आहे.
विद्यमान आमदार विजयकुमार देशमुख यांच्या कार्यकर्त्यांमध्ये उमेदवारी अर्ज भरायला जाण्यासाठी मोठ्या उत्साहाचे वातावरण निर्माण झाले आहे.
भाजपा शहराध्यक्ष नरेंद्र काळे आणि त्यांची संपूर्ण टीम युद्धपातळीवर उद्याच्या रॅलीचे नियोजन करत असून देशमुख समर्थकांमध्ये आनंदपूर्ण वातावरण आहे. भाजप उमेदवारी मिळाल्यानंतर याच कार्यालयात मोठा जल्लोष करण्यात आला होता.
विधानसभा निवडणुकीसाठी उमेदवारी अर्ज भरण्याची मुदत मंगळवारी (दि. २९) संपत आहे. तसेच सोमवारी (दि. २८) वसुबारस तर मंगळवारी (दि. २९) रोजी धनत्रयोदशी आहे. हे दोन्ही मुहूर्त साधून विविध पक्षांतील उमेदवार आपले अर्ज दाखल करणार आहेत.
