MH 13 NEWS NETWORK
मंगळवारी रात्री सोलापूर शहर पोलिसांनी रात्रीच्या ड्युटी वेळी वाहन तपासणी दरम्यान मोठी कामगिरी बजावली असून लाखो रुपयांचा गांजा जप्त केला आहे.
दिनांक 4 मार्च रोजी रात्री 11.15 वा वेळी शहर वाहतुक शाखा सोलापूर शहर कडील पोहेकों प्रकाश निकम व पोकॉ भालेराव यांच्या कडे रात्र डयुटी होती. त्या अनुषंगाने ते वाहन तपासणी करत असताना सोलापूर पुणे सर्व्हिस रोडने जंगली हॉटेल जवळ, विजापूर बायपास ओव्हर ब्रिजचे सव्हिस रोडवर विटकरी कलरची कार क्र.MH 47 AN 8917 यास चेक करत असताना त्याचा चालक हा कागदपत्र दाखवितो असा बहाणा करून फोनवरुन बोलत दूर जावून अंधाराचा फायदा घेवून पळून गेला.
मात्र, सदर वाहनाचा संशय या दोघांना आला. त्यांनी गाडीची पाहणी केली. तेव्हा वाहनाचे डिक्कीमध्ये गांजा दिसून आल्याने त्यांनी तात्काळ फौजदार चावडीचे वरिष्ठ पोलीस निरीक्षक श्री. अरविंद माने यांना संपर्क करुन घटनेची माहीती दिली.
माहिती मिळताच पोलीस अधिकारी अरविंद माने यांनी वरिष्ठांना माहीती दिली, तसेच पोलिस निरिक्षक तानाजी दराडे यांना कारवाई करण्याची सूचना केली.
त्याप्रमाणे कायदेशीर कारवाई करुन पो स्टे फौजदार चावडी, सोलापूर शहर येथे वाहन कार क्र.MH 47 AN 8917 चा चालक याच्याविरुध्द गुन्हा रजि क्र. 118/2025 NDPS Act कलम 8(C), 20 (B) अन्वये गुन्हा दाखल करण्यात आला आहे.
सदर कारवाईमध्ये एकूण 48 किलो गांजा जप्त करण्यात आला असून त्याची अंदाजे 8,64000 रुपये असल्याचे आढळून आले.
तसेच वाहन कार क्र.MH 47 AN 8917 ज्याची अंदाजे किंमत 600000 रु असा एकूण 14 लाख 64हजार रुपयांचा मुद्देमाल हस्तगत करण्यात आला आहे.
सदर गांजा हा कोठून आणला व कोठे घेवून जात होता? सदर गाडी कोणाची आहे? याबाबतचा तपास चालू आहे.
सदरची कारवाई पोलीस आयुक्त श्री एम. राजकुमार, पोलीस उप आयुक्त (परिमंडळ) श्री विजय कबाडे, मा. सहा. पोलीस आयुक्त, विभाग 1, श्री प्रताप पोमण यांचे मार्गदर्शनाखाली वरिष्ठ पोलीस निरीक्षक अरविंद माने, पोनि तानाजी दराडे, सपोनि शंकर धायगुडे, सपोनि रोहन खंडागळे, पोह 1232 प्रविण चुंगे, पोकॉ 1456 कृष्णा बडुरे, पोकों 1617 दत्तात्रय कोळवले, पोकों 1612 नितीन जाधव यांनी कामगिरी केली. सदर गुन्हयाचा पुढील तपास पोलीस निरीक्षक श्री तानाजी दराडे हे करीत आहेत.
