MH 13 News Network
शहरातील देव पुष्प फाउंडेशनचे संस्थापक राहुल काटकर हे उपमुख्यमंत्री देवेंद्र फडणवीस यांचे कट्टर समर्थक समजले जातात. शहर उत्तर विधानसभेसाठी युवा उमेदवारास संधी मिळावी म्हणून त्यांनी देवेंद्र फडणवीस यांच्याकडे उमेदवारीसाठी आपण इच्छुक असल्यास संदर्भात अर्ज दिला आहे.
देवपुष्प फाउंडेशनच्या माध्यमातून राहुल काटकर यांनी अनेक सामाजिक उपक्रम राबवले. ज्यामध्ये रोजगार मेळावा, भव्य मोफत नोकरी मेळावा आयोजित करण्यात आला होता. यामध्ये जवळपास 410 जणांना नियुक्ती मिळाली होती.
अनाथ मुलांसाठी सामाजिक बांधिलकी या नात्याने त्यांच्यात आनंदाचे वातावरण निर्माण व्हावे यासाठी मर्सिडीज गाडीतून त्यांना सफर घडवली होती.
सोलापुरातील गणेशोत्सव मोठा प्रसिद्ध असतो. अनेक मंडळांना वर्गणी अथवा देणगी अभावी उत्सव मोठ्या प्रमाणावर साजरा करता येत नाही. त्यामुळे उपमुख्यमंत्री देवेंद्र फडणवीस यांच्या वाढदिवसानिमित्त उत्तर सोलापूर शहरातील जवळपास 151 गणेश मंडळांना त्यांनी श्रींच्या मूर्तीचे वितरण केले होते. यामुळे अनेक गणेश मंडळांशी त्यांचा थेट संपर्क आला आहे.
अयोध्यातील श्रीराम मंदिर ट्रस्टला एक लाख 11 हजार 111 रुपयांची देणगी विश्व हिंदू परिषदेचे केंद्रीय अधिकारी दादा वेदक यांच्याकडे सुपूर्द करून अध्यात्मिक ओढा असल्याचे सिद्ध केले होते. यावेळी संघ परिवारातील उदय वैद्य यांची उपस्थिती होती.
सद्यस्थितीत शहर उत्तर मध्ये विद्यमान आमदार विजयकुमार देशमुख आहेत. परंतु पक्षांतर्गत त्यांना मोठा विरोध होताना दिसतोय. सोलापुरातील प्रसिद्ध विधीज्ञ मिलिंद थोबडे यांनी भाजपाकडे उत्तर विधानसभेमधून उमेदवारीची मागणी केली आहे. दरम्यान, भाजपा पक्षाकडून उमेदवारीचे तिकीट नाही मिळाल्यास अपक्ष लढण्याचा दावा त्यांनी केला आहे.
त्याचसोबत माजी महापौर शोभा बनशेट्टी, माजी नगरसेवक जगदीश पाटील, माजी सभागृह नेते सुरेश पाटील, यांच्यासह भाजपच्या पदाधिकाऱ्यांनी विजयकुमार देशमुख यांच्या उमेदवारीस विरोध केला आहे.
विजयकुमार देशमुख यांना वाढता विरोध..
भाजप नेते जगदीश पाटील, सुप्रसिद्ध विधीज्ञ मिलिंद थोबडे यांच्यासह शहर उत्तरमध्ये उमेदवारी साठी राहुल काटकर यांचा इच्छुक म्हणून समावेश झाला आहे. काही माजी नगरसेवकांनी देशमुख यांच्या उमेदवारीला विरोध केला आहे.
देवेंद्र फडणवीस हे माझे गॉडफादर..!
शहर उत्तर मधून युवा चेहरा मिळावा यासाठी तसेच विधानसभेची उमेदवारी मिळावी म्हणून मी उपमुख्यमंत्री देवेंद्र फडणवीस यांच्याकडे निवेदन दिले आहे. मला विश्वास आहे सामाजिक कार्य अहवाल आणि नवीन रक्ताला वाव यासाठी पक्षाकडून मला तिकीट मिळेल. फडणवीस यांना मी माझे गॉडफादर मानतो. सर्वसामान्य घटकातील तरुणांना ते संधी देतील याचा विश्वास सर्वांना आहे.
राहुल काटकर ,संस्थापक,देवपुष्प फाउंडेशन
