राजवीरचा दमदार परफॉर्मन्स; विहान क्रिकेट क्लबची विजयी घोडदौड!
शांभवी चषक 2025 मध्ये केपीसीएवर 37 धावांनी मात
सोलापूर / प्रतिनिधी
: सोलापूर जिल्हा क्रिकेट असोसिएशनतर्फे माजी खजिनदार कै. जे. टी. कुलकर्णी यांच्या स्मरणार्थ आयोजित 14 वर्षाखालील शांभवी चषक 2025 स्पर्धेत आज भंडारी मैदानावर खेळवण्यात आलेल्या सामन्यात विहान क्रिकेट क्लबने केपीसीए संघाचा 37 धावांनी पराभव करत आपली विजयी घोडदौड कायम राखली.
ही स्पर्धा शांभवी कन्स्ट्रक्शन यांच्या सहकार्याने आयोजित करण्यात आली आहे.
सामन्याचा आढावा :
प्रथम नाणेफेक जिंकून विहान क्रिकेट क्लबने फलंदाजी करताना सर्व बाद 165 धावा केल्या.राजवीर हिरे हब्बू याने आक्रमक शैलीत 63 धावांची खेळी साकारत संघाचा कणा भक्कम केला. त्याला प्रतीक लांडगे (19) आणि प्रतीक दिग्गे (17) यांची उत्तम साथ मिळाली.
केपीसीएकडून ओम साईने 29 धावांत 2 बळी, यशने 20 धावांत 2 बळी, तर महेंद्रने 30 धावांत 3 बळी घेतले.165 धावांचा पाठलाग करताना केपीसीएचा डाव 128 धावांत आटोपला.
रुद्र हुलेने 24, अप्पू स्वामीने 17 आणि अंसाकीलने 16 धावांची भर घातली.
विहान संघाच्या गोलंदाजांनी प्रभावी कामगिरी केली. रणजीत लांडगेने 31 धावा देत 3 बळी, अर्णव लोखंडेने 10 धावांत 3 बळी, हिरे हब्बूने 26 धावांत 2 बळी आणि अथर्व हिरापुरेने 14 धावांत 2 बळी घेतले.
सामनावीर..
या सामन्यात राजवीर हिरे हब्बू याला दमदार फलंदाजी आणि गोलंदाजीबद्दल ‘सामनावीर’ पुरस्काराने गौरवण्यात आले.—— शांभवी चषक 2025 मधील रोमांचक सामना आणि नवोदित क्रिकेटपटूंची झुंजार खेळी क्रिकेट प्रेमींसाठी पर्वणी ठरत आहे!
