mh 13 news network
अक्कलकोट – येथील श्रीराम नवमी निमित्त अक्कलकोट शहरात श्रीराम जन्मोत्सव समितीच्या वतीने मल्लिकार्जुन मंदिरापासून भव्य शोभायात्रा काढण्यात आली. प्रारंभी श्रीरामाची महाआरती आमदार सचिन कल्याणशेट्टी, अन्नछत्र मंडळाचे कार्यकारी अध्यक्ष अमोलराजे भोसले, प्रथमेश इंगळे, मिलन कल्याणशेट्टी, आनंद तानवडे, महेश हिंडोळे, आप्पासाहेब पाटील, मल्लिनाथ स्वामी, तसेच RSS तालुका कार्यवाह चेतन जाधव व सहकार्यवाह संतोष वगाले यांच्या हस्ते पार पडली.
शोभायात्रेत हनुमान, शंकर-पार्वती, प्रभु श्रीराम, गोमाता यांच्या देखाव्यांनी सर्वांचे लक्ष वेधले. विविध समाजांचे कार्यकर्ते भगवे फेटे व शाली परिधान करून सहभागी झाले. “जय श्रीराम”, “वंदे मातरम्”, “हर हर महादेव” घोषणांनी संपूर्ण वातावरण राममय झाले.
शोभायात्रा मल्लिकार्जुन मंदिरापासून सुरू होऊन मुख्य मार्गाने स्वामी समर्थ अन्नछत्र मंडळाजवळील तुळजाभवानी मंदिरात विसर्जित झाली. मार्गात अनेक ठिकाणी पुष्पवृष्टी करत नागरिकांनी स्वागत केले. अन्नछत्र मंडळाकडून रामभक्तांसाठी थंड मठ्ठाची व्यवस्था करण्यात आली होती.
पोलीस निरीक्षक राजेंद्र टाकणे, सहाय्यक पोलीस निरीक्षक निलेश बागाव, गोपनीय विभागाचे मारुती हनुरे, सचिन चव्हाण, राजकुमार कोळी यांच्या नेतृत्वाखाली पोलिसांनी चोख बंदोबस्त ठेवला.
