MH 13 News Network
दक्षिण सोलापूर विधानसभेचे काँग्रेसचे इच्छुक उमेदवार महादेव कोगनुरे यांनी दिली मुलाखत.
दक्षिण ची उमेदवारी आपल्यालाच मिळणार.महादेव कोगनुरे यांनी व्यक्त केली आशा
दक्षिण सोलापूर विधानसभा मतदारसंघात काँग्रेसमध्ये अनेक इच्छुकांनी मुलाखत दिली असून यंदा काँग्रेसला अच्छे दिन आले असल्याची चर्चा राजकीय वर्तुळात सुरू आहे. एम के फाउंडेशन चे संस्थापक अध्यक्ष तसेच उद्योजक, सागर सिमेंटच्या माध्यमातून शेकडो युवकांसाठी रोजगार निर्मिती केलेले काँग्रेसचे इच्छुक उमेदवार महादेव कोगनुरे यांनी यंदा उमेदवारी मलाच मिळणार असल्याचा ठाम विश्वास व्यक्त केला आहे.
दक्षिण सोलापूर विधानसभा मतदारसंघातील राष्ट्रीय काँग्रेस पक्षाचे इच्छूक उमेदवार एम के फाउंडेशन चे संस्थापक अध्यक्ष महादेव कोगनुरे यांनी काँग्रेस भवन सोलापूर येथे आपला कार्य अहवाल सादर करीत काँग्रेसचे खासदार डॉ. शिवाजीराव काळगे यांच्या उपस्थितीत मुलाखत दिली.
मुलाखत देऊन बाहेर पडताना पत्रकाराशी बोलताना महादेव कोगनुरे म्हणाले की, जनसामान्यांनी दिलेल्या आशीर्वादाच्या जोरावर आणि माझे मार्गदर्शक व पक्ष श्रेष्ठी माजी केंद्रीय गृहमंत्री सुशीलकुमार शिंदे व नुतन खासदार प्रणिती शिंदे यांच्या सहकार्यामुळे यंदा दक्षिण सोलापूर विधानसभेची उमेदवारी नक्की आपल्यालाच मिळणार असल्याचे ठाम विश्वास यावेळी महादेव कोगनुरे व्यक्त केला.यावेळी एम के फाउंडेशन व काँग्रेस चे पदाधिकारी व कार्यकर्ते उपस्थित होते.
सागर सिमेंटच्या माध्यमातून महादेव कोगनुरे यांनी शेकडो कुटुंबांना रोजगार मिळवून दिला आहे. त्यांच्यासोबत हजारो कुटुंब जोडले गेलेले आहेत.
विविध सामाजिक उपक्रमातून आपला ठसा उमटवलेला आहे. आपल्या कार्याचा अहवाल त्यांनी पक्षाच्या प्रमुख नेत्यांकडे जमा केला असून त्यांच्या समर्थकांमध्ये आणि कार्यकर्त्यांमध्ये मोठा उत्साह निर्माण झाला आहे. यंदा काँग्रेस कडून उमेदवारी आम्हालाच मिळेल असा ठाम विश्वास कोगनूरे समर्थक व्यक्त करत असून तिकीट मिळाल्यानंतर काँग्रेस पक्षाच्या ताकदीने सर्वसामान्य नागरिकांसाठी आधीपेक्षाही जास्त काम करणार असल्याचे त्यांनी बोलून दाखवले आहे.
महादेव कोगनुरे हे लिंगायत समाजाचे प्रतिनिधित्व करत असून दक्षिण मतदार संघात लिंगायत समाजाची टक्केवारी ही सर्वात जास्त आहे. जातीय समीकरण, सामाजिक कार्य, सर्वसामान्यांचा चेहरा यामुळे काँग्रेस पक्षश्रेष्ठी नक्कीच सकारात्मक निर्णय घेतील असा आशावाद महादेव कोगनुरे समर्थक व्यक्त करत आहेत.
दक्षिण सोलापूर विधानसभेचे इच्छुक उमेदवार महादेव कोगनुरे यांनी काँग्रेस चे खासदार डॉ. शिवाजीराव काळगे यांचा पुष्पगुच्छ देऊन सन्मान करताना.
