MH 13NEWS NETWORK
सोलापूरचे प्रवेशद्वार समजले जाणारे छत्रपती संभाजी महाराज चौकामध्ये आज शनिवारी सकाळी मोठा अपघात झाला असून त्यामध्ये एसटी चालकाने दुचाकी धारकाला उडवण्याची घटना समोर आली आहे.
छत्रपती संभाजी राजे चौक ते एसटी स्टँड कडे जाणाऱ्या रस्त्यावर हा अपघात झाला. यात mh13 Bj 73 78 या वाहनधारकाला उडवण्यात आल्याचे सीसीटीव्ही फुटेज समोर आले आहे.
अक्षरशः वाहन धारकाला फरफटत नेल्याचे सीसीटीव्ही फुटेज मध्ये दिसत आहे.
एम एच 14 बीटी 28 57 या क्रमांकाच्या एसटी बसने अवंती नगर परिसरात राहणाऱ्या युवकाला उडवल्याची माहिती परिसरातील नागरिकांनी दिली.
या तरुणास हात,पाय आणि डोक्याला जोरात मार लागला असून तातडीने येथे उपस्थित असलेल्या तरुणांनी त्याला रुग्णालयात पाठवले आहे.
पल्सर या दुचाकीचे दोन तुकडे झाल्याचे दिसत असून गाडी ही एसटी बसच्या खाली आलेली स्पष्ट दिसत आहे. अपघात पाहून वाहतूक पोलीस तातडीने घटनास्थळी दाखल झाले असून वाहतूक सुरळीत करण्याचे काम करण्यात आले आहे.
वाहतूक पोलिसांनी लक्ष देण्याची गरज..!
ज्या ठिकाणी अपघात होण्याचे प्रमाण जास्त आहे त्याच ठिकाणी वाहतूक पोलिसांनी उभे असावे अशी भावना परिसरातील नागरिकांनी व्यक्त केली आहे.
अपघाताची पुढील माहिती याच ठिकाणी पुढे अपडेट होईल..!
