सिद्धेश्वर प्रशालेत नंदीध्वज पूजनाने उत्साहात प्रवेशोत्सव साजरा

MH13NEWS Network

सिद्धेश्वर प्रशालेत नंदीध्वज पूजनाने उत्साहात प्रवेशोत्सव साजरा

“सत्संग शिक्षणाचा, ध्यास गुणवत्तेचा” – नाविन्यपूर्ण उपक्रमांसह शैक्षणिक वर्षाची रंगतदार सुरुवात

सोलापूर | श्री सिद्धेश्वर देवस्थान संचलित सिद्धेश्वर प्रशाला, सोलापूर या अमृत महोत्सवी वर्षात पदार्पण केलेल्या नामवंत शिक्षणसंस्थेने यंदाच्या नववर्षाची सुरुवात अत्यंत उत्साहात व पारंपरिक संस्कृती जपत साजरी केली.मुख्याध्यापक श्री. संतोष पाटील यांच्या संकल्पनेतून नंदीध्वज पूजन आणि विद्यार्थ्यांना औक्षण करून प्रवेशोत्सव साजरा करण्यात आला. विद्यार्थ्यांनी वारकरी, सैनिक, एनसीसी, राज्यनिहाय वेशभूषा परिधान केली होती, तर काहींनी देव-देवतांचे रूप साकारले होते.

या आगळ्यावेगळ्या वेशभूषेने शाळा रंगून गेली.यावेळी श्री सिद्धेश्वर देवस्थानचे विश्वस्त व पालक सदस्य श्री. प्रभुराज मैंदर्गीकर श्री. गुरुराज माळगे यांच्या हस्ते शिवयोगी श्री सिद्धरामेश्वर, सरस्वती मातेच्या प्रतिमा आणि नंदीध्वजाचे पूजन करण्यात आले.

विद्यार्थ्यांना प्रतिकात्मकरित्या पाठ्यपुस्तके वाटण्यात आली. ढोल-ताशांच्या गजरात, औक्षण व पुष्पवृष्टीसह विद्यार्थ्यांचे स्वागत झाले.

शाळेचे अध्यक्ष श्री. धर्मराज काडादी तसेच शालेय शिक्षण समितीचे सर्व सदस्य, शिक्षक व पालकवर्गाने नूतन वर्षासाठी शुभेच्छा दिल्या.त्यानंतर सिंदूर ऑपरेशनमध्ये बलिदान दिलेल्या जवानांना व अहमदाबाद विमान दुर्घटनेतील मृतांना श्रद्धांजली वाहण्यात आली.

त्यानंतर राष्ट्रगीत, प्रतिज्ञा व संविधान पाठांतर करून वर्ग नियमित सुरू झाले.शाळा संपूर्ण फुलांनी व सजावटीने नटलेली होती.

सेल्फी पॉइंट हे विद्यार्थ्यांचे व पालकांचे विशेष आकर्षण ठरले.पालकांनी शाळेच्या संस्कृतीजपणूक उपक्रमाचे कौतुक करत उत्स्फूर्त सहभाग नोंदवला.

#सिद्धेश्वरप्रशाला #प्रवेशोत्सव२०२५ #नंदीध्वजपूजन #शिक्षणआणिसंस्कृती #सोलापूर #गुणवत्तापूर्णशिक्षण #भारतीयसंस्कृती #शैक्षणिकउपक्रम #अमृतमहोत्सव